Vjollca Llana ka kaluar natën jashtë bashkë me fëmijët në qiell të hapur. Ajo ndihet e pasigurt në banesën e saj, e cila është e rrënuar dhe nuk mund të përballojë një tjetër tërmet të fuqishëm. Ruzhdiu nga zona e ish-kënetës , vetë i gjashti me një fëmijë të sëmurë ka frikë të kthehet në shtëpinë e tij. Ai nuk ka mundësi për të riparuar dëmet që banesa e tij ka pësuar nga tërmeti dhe kërkon që shteti ta ndihmojë.
Çadrat e ushtrisë shihen si shpresa e vetme për të kaluar natën për shumë familje durrsake. Durrsakët u luten këtë të diele në kishë që toka të mos lëkundet më. E deri në atë ditë, sytë e tyre janë drejtuar edhe nga qielli./tch
