“Si fabrika buke” i ka cilësuar kryeministri Edi Rama aeroportet, duke iu përgjigjur në këtë mënyrë të gjithë atyre që e kundërshtojnë.
Nga kantieri i aeroportit të Vlorës, ku sot nisin punimet, kreu i qeverisë përmendi dhe njëherë se shqiptarëve nuk iu ka munguar buka që nga koha e Skënderbeut. Kryeministri tha se këtë sqaroi e ka për ata që thonë “ç’na duhen aeroportet, s’kemi bukë”. Rama theksoi se portet dhe aeroportet janë të rëndësishme në vend, duke i cilësuar si motorë të ekonomisë.
“Çështjen e bukës shqiptarët nuk e kanë pasur problem që nga koha e Skënderbeut, nëse nisemi nga buka si bukë. Aeroportet janë fabrike buke, sepse rrisin të ardhurat e vendit. Sjellin konsumatorë në vend dhe sa më shumë njerëz vijnë në një vend nga aeroportet aq më shumë vendi ka mundësi të rrisë shërbimet sepse krijohet një zinxhirë i tërë ekonomik.
Nga gjithë ky zinxhirë rriten edhe të ardhurat për buxhetin e shtetit. Nuk duhemi të shqetësohemi kur ndërtohet porte dhe aeroporte sepse janë motorë të ekonomisë. Dhe me filli,in e kësaj pune si dhe me fillimin e punës për Sarandën vendosim një sistem të ri motorësh për ekonominë shqiptarë. Në aeroportin Tiranës po shihet qartë ulja drastike e çmimeve të biletave, nis së shpejti plani i ri për terminalin e dytë, për zgjatimin e pistës që do të rrisë kapacitetet pritëse të aeroportit,” u shpreh Rama.
