Një arratisje spektakolare ka ndodhur ditën e sotme në mes të Athinës në lagjen Omonia. Protagonist kryesor është një i ri shqiptar i cili mundi t’i shpëtoj nga duart policisë greke e cila po e shoqëronte në qeli pas paraqitjes në gjykatë. Sipas policisë greke, i arratisuri është një shtetas shqiptar, i cili u arrestua mëngjesin e kësaj të mërkure për një vepër penale. Në momentin kur po dilte nga automjeti i policisë për t’u transportuar në qelitë e paraburgimit pas kthimit nga gjykata, 28-vjeçari arriti të shpëtojë uniformave blu.
Ngjarja ka ndodhur rreth orës 14:00 dhe sipas raportimeve të mediave greke i riu shqiptar ishte i pa prangosur në momentin e arratisje. Të njëjtin fat nuk e pati një i arrestuar tjetër i cili u përpoq të arratisej sëbashku me shqiptarin, por që u neutralizua menjëherë nga forcat e policisë.
