Një 38-vjeçar shqiptar është dënuar me 5 vite burg pasi kishte thyer 14 herë urdhërin e ndalimit për të mos hyrë në Itali. Mediat vendase bëjnë me dije se shqiptari Emiliano Fejzo ka bërë gjithçka për t’u kthyer në Itali dhe për të jetuar me të dashurën e tij italiane e cila kishte nevojë për ndihmë.
Pasi ka arritur në Itali ai është përpjekur të rregullojë problemet e tij me autoritetet duke marrë një leje qëndrimi por dje dje është vënë në gjurmë dhe është arrestuar nga karabinierët e vendit. Ndaj këtij shqiptari kishte rreth dhjetë dënime të lëshuara nga gjykatat e Reggio Emilia, Genoa, Bolonja, Parma dhe në fund La Spezia.
Dënimet që rëndojnë ndaj tij janë: 4 nga gjykata e Reggio Emilia për shkelje të kthimit në territorin italian; një nga Gjykatat e Xhenovas për krimin e vjedhjes në tentativë ; një nga gjykata e Bolonjës për rezistencë dhe fyerje të një zyrtari publik dhe vërtetime të rreme të identitetit të tij personal; një nga Gjykatat e Apelit të Bolonjës për shkeljen e ndalimit të rihyrjes në territorin kombëtar, një nga gjykatat e Parmës për shkeljen e ndalimit të rihyrjes në territorin kombëtar dhe në fund e fundit, ajo e La Spezia-s, për tentativë për vjedhje. Të gjitha këto dënime dhe akuza përkthehen në 5 vjet e 11 muaj, por për shkak se ai ka bërë disa herë paraburgim ky dënim reduktohet në 5 vjet e 2 muaj e 28 ditë.
