Shqiptarët vazhdojnë të gjejnë mënyra nga më të ndryshmet, për t’u larguar në Angli.
Mediat britanike raportojnë se brenda një anije mallrash, që po mbërrinte dje në Portin e Yarmouth, pas udhëtimit nga Spanja, u gjetën 21 shtetas, që pretenduan se janë nga Shqipëria.
Bëhet fjalë për 19 burra e djem dhe dy fëmijë – të cilët u zbuluan nga anëtarët e ekuipazhit në bordin e anijes “Rotra Mare” rreth 6 km para se anija të mbërrinte në Port. Duket se shqiptarët në këtë moment tentuan të dilnin dhe të hidheshin për të dalë në breg, pa u vënë re. Ekuipazhi i befasuar lajmëroi policinë dhe kjo u vë në veprim, duke i ndaluar emigrantët.
