Prej kohësh flitet për rikonstruksionin e shtëpisë së Gjergj Fishtës, e cila është pothuajse e rrënuar. E rrënuar është edhe shtëpia e Faik Konicës, e cila ndodhet në Çamëri dhe ndoshta për të cilën nuk mund të bëhet gjë.
Por kjo nuk ndodh me shtëpinë ku ka jetuar diktatori Enver Hoxha në Gjirokastër. Në 2015 u tha se banesa ku lindi Enver Hoxha në lagjen Palorto të Gjirokastrës rrezikonte të shembej. Një vit më pas, në 2016, Rilindja vendosi të rilindë shtëpinë dhe të investojë. Banesa iu nënshtrua rikonstruksionit dhe u kthye në një shtëpi muze me argumentin se ajo ishte shumë e vizituar nga turistët.
Shpeshherë Kryeminisrit Edi Rama i pëlqen të citojë Fishtën dhe Konicën, por vetëm kaq ama. E ndërsa për Konicën ai mund të justifikohet me faktin se shtëpia ndodhet në Çamëri, për Fishtën, Prek Calin, Lasgush Poradecin, e shumë e shumë personalitete të tjera, nuk ka justifikim. Shtëpitë e tyre janë lënë në harresë, në mëshirën e fatit, të shkatërruara ose të rrethuara nga ferrat. Foto e mëposhtme është publikuar në rrjet nga aktivistja Elona Caslli.
