Biznesi i Vlorës ka refuzuar ofertën e kryeministrit Rama për të zgjatur me 1 orë lejimin e muzikës në bare dhe restorante, respektivisht nga ora 10:00 në 11:00.
Administratorët dhe pronarët e bizneseve në shëtitoren e Vlorës kërkojnë lejimin e muzikës deri në orën 24:00 dhe lejimin e punës deri në orën 02:00 të mëngjesit.
Nëse nuk do ketë reagim serioz dhe marrje seriozisht të kërkesave së tyre biznesmenët vlonjatë theksojnë se do të qëndrojnë të mbyllur dhe do të ndërpresim kontratat e punës me të gjithë punonjësit.
Postimi i plotë i Ramës: Protestë në Lungomare për muzikën?
1.Lungomare s’ka muzikë po ndotje akustike të tmerrshme ku përzihen dhjetra linja burime menjëherë
2.E drejta e atyre që duan zhurmë muzikore tërë natën nuk fiton dot mbi tē drejtën e atyre që natën duan zhurmën e detit
3.Siç është lajmëruar, nga data 20 korrik muzika do të ndalet në 23.00 në çdo zonë turistike të banuar dhe kush do të kërcejë e të këndojë tërë natën po të dojë, le të organizohet në natyrë, në pika ku nuk shqetëson njeri – si në tërë botën e civilizuar turistike.
Prej disa ditësh në Vlorë dhe jo vetëm bizneset e lokaleve kryesisht, kanë kërkuar që të zgjatet orari i lejuar për muzikën, pasi sipas tyre kjo e dëmton ndjeshëm punën e tyre, pasi turistët nuk preferojnë që të qëndrojnë në lokale sa kohë që nuk ka muzikë.
Të gjithë bizneset që janë gjetur në shkelje nga ana e policisë janë gjobitur me gjoba 10 milionë lekë të vjetra, ndërsa pronarët e tyre hera herës janë proceduar.
