Kryeministri Edi Rama, në konferencën për shtyp të së martës, paralajmëroi se nga dita e nesërme do të ketë shtim të masave për shkak të rritjes së rasteve të reja.
Komiteti Teknik i Ekspertëve do të dalë të mërkurën në një deklaratë ku pritet të bëhen publike edhe masat e reja. Megjithatë, kryeministri u bëri thirrje edhe njëherë tjetër qytetarëve që të zbatojnë të gjitha protokollet e publikuara nga autoritetet përkatëse në luftën ndaj koronavirusit. Në të kundërt, tha ai, nuk kanë asnjë vlerë edhe shtrëngimet e reja.“Do të ketë një shtrëngim të masave. Nesër do të mblidhet Komitet Teknik, por thelbi është që të zbatohen masat”, tha Rama.
