Vlora është ndër qytetet më të prekura nga vala e tretë e pandemisë së Covid-19. Këtë fillim shtatori shifrat janë rritur ndjeshëm dhe aktualisht numërohen 670 persona të infektuar, ku pjesa më e madhe janë në moshë të re dhe të pa vaksinuar.
“Po qarkullon vala e tretë e pandemisë dhe ka shtim të rasteve aktiv dhe në Vlorë. Është përhapur shumë për shkak të refugjatëve dhe turistëve. Kemi shtim të rasteve të reja, sot rreth 670 raste aktive në rrethine e Vlorës dhe kryesisht janë në moshë të re”, tha Kujtim Llapi, Drejtor i Kujdesit Shëndetësor për rajonin e jugut . Llapi thekson se po qarkullon edhe versioni Delta, i cili është shumë ngjitës, por jo agresiv.
“Problemi është version delta është ngjitës por jo aq agresiv në rastet e personave të vaksinuar apo që e kanë kaluar COVID”. Këta që janë tani 90 për qind janë të v aksinuar. Ndaj gjej rastin tu bëj thirrje të vijnë e të vaksinohen”, shtoi ai.
Llapi u bën thirrje qytetarëve të Vlorës të shfrytëzojnë shtatorin i cili është muaj i hapur për tu vaksinuar, duke theksuar se nga të dhënat e deritanishme, personat e vaksinuar e kalojnë COVID-19 apo Deltën në formë më të lehtë, pra shmanget fataliteti.
“Nuk kemi humbje jete tek personat që janë të vaksinuar, e kalojnë COVID në formë më të lehtë. Meqenëse edhe shtatori është muaji i hapur unë u bëj thirrje të gjithëve që janë mbi 18 vjeç të paraqiten për tu vaksinuar sepse të pavaksinuar kanë qenë përhapësit më të mëdhenj të infeksionit”, theksoi Llapi.
Aktualisht në Vlorë janë v aksinuar me të dyja dozat 40 0881 qytetarë, ndërsa 48 693 kanë marrë vetëm dozën e parë.
VAKSINIMI Nga fillimi i procesit deri më 01 shtator: doza e para- 48693 persona , doza e dyta – 40881 persona Aplikime në total 89 574 doza
