Vijon tensioni midis Greqisë dhe Turqisë për emigrantët. Sipas medias greke Kathimerini, Turqia po vazhdon provokimet pasi Ministria e Brendshme Turke njoftoi se po dërgonte 1,000 oficerë të policisë speciale në kufirin me Greqinë për të ndaluar kthimin emigrantëve në territorin turk.
Ministri i brendshëm i Turqisë Suleiman Soilu gjatë një interviste për CNN turk tha se 164 emigrantë janë plagosur nga autoritetet greke.
“164 persona u plagosën. Ata u përpoqën të dërgonin 4,900 njerëz përsëri në Turqi”, tha Suleiman Soilu, i cili fluturoi me helikopter në kufirin e Evros.
Suleiman Soilu, madje këmbënguli për një emigrant të vdekur në kufi, diçka që qeveria greke e ka mohuar dje.
Në veçanti, ministri turk i brendshëm tha që Turqia është e vendosur të apelojë në Gjykatën Evropiane të të Drejtave të Njeriut në këtë çështje.
“Ministri ynë i Jashtëm do ta bëjë atë një çështje ndërkombëtare,” u shpreh Soilu.
Vendimi i Presidentit turk Tayip Erdogan për të hapur kufinjtë për Evropën ka ngritur shqetësime brenda Bashkimit Evropian, i cili po planifikon një takim të të gjithë ministrave të tij të Jashtëm në Zagreb të Kroacisë.
Ministri i Jashtëm gjerman Haiko Maas tha në një deklaratë se ishte e rëndësishme që Greqia të mos e përballonte problemin e vetme dhe se duhet të jepet një përgjigje e përbashkët evropiane.
