Shqipëria dhe Maqedonia e Veriut, prisnin me padurim mbajtjen e Konferencës Ndërqeveritare, që sinjalizon çeljen zyrtare të negociatave me Bashkimin Europina.
Por, me sa duket kjo nuk do të jetë ende e mundur. Sekretarja e Shtetit për Çështjet Europiane të Portugalisë, Ana Paula Zacarias ka konfirmuar se nuk ka çelje negociatash për Shqipërinë e Maqedoninë e Veriut. Ministrja e jashtme portugeze deklaron se u vendos që të shtyhet data për Konferencës e Parë Ndërqeveritare.
Shkak është bërë veto-ja e Bullgarisë ndaj Maqedonisë së Veriut, nga e cila e pësoi edhe Shqipëria.
Edhe me presidencën portugeze në BE Shqipëria nuk arriti dot të çelte negociatat dhe tashmë pritet të shihet se çfarë do të ndodhë në presidencën sllovene. Të gjitha vendet ishin pro hapjes së negociatave për Shqipërinë, madje edhe Holanda që ishte më skeptikja, por dha ‘ok’ për mbajtjen e tryezës së parë ndërqeveritare.
Tashmë, në mënyrë të padrejtë, fati i integrimit europian të vendit tonë do i mbetet dialogut Bullgari-Maqedoni e Veriut, vetëm në rast se Presidenca sllovene e BE vendos të ndajë rrugën e dy vendeve.
