Të gjithë duam flokë të gjatë, me shkëlqim dhe të fortë si në reklamat në televizion. Por në realitet për të pasë flokë të tillë duhet të bëhen disa “sak*rifica” dhe t’i kushtohet vëmendje e madhe flokëve. Fortësia dhe dendësia e flokëve ndikohen kryesisht nga gjenet, por kjo nuk do të thotë që ju nuk keni kontroll mbi flokët tuaj.
Ka shumë përbërës në barnatore për të forcuar dhe trashur flokët, por jo të gjitha funksionojnë mirë. Ne kemi përshkruar disa mënyra të thjeshta që ju të rritni flokët tuaj në mënyrë natyrale dhe në kushte shtëpiake:
Mos i lani flokët çdo ditë dhe zëvendësoni shampon e zakonshme me shampo për flokë të thatë.
Larja e përditshme e flokëve largon yndyrat natyralë nga rrënjët e saj të cilat janë thelbësore për forctësinë e flokëve. Prandaj, është mirë që të shmangni larjen e përditshme të flokëve.
Mos përdorni tharës për flokë
Shpesh, ne i terim flokët me terëse flokësh, sepse është zgjidhja më e shpejtë dhe më praktike. Por nëse doni të forconi flokët, duhet ta shmangni këtë zakon. Është më mirë ti lini flokët tuaj të thahen natyrshëm. Gjithashtu shmangni hekurosjen me pajisje që lehtë mund të çojnë në rënie, dëmtim dhe prishje të tij.
Hani ushqime të pasura me acide yndyrore omega 3.
Flokët e fortë dhe të shëndetshëm shpesh janë një reflektim i ushqimit që hamë. Kur përmendëm “sakrificën” më lartë, nënkuptuam pikërisht këtë. Nëse dëshironi të forconi flokët tuaj, këshillohet që të shmangni ushqime të pasura me sheqer dhe ushqime të shpejta dhe të përpunuara. Zëvendësojeni atë me ushqime të pasura me yndyrë dhe omega-3, si arrat, farën e lirit, salmonin, qumështin dhe avokadon.
Bëni një maskë natyrale të flokëve në shtëpi.
Një maskë e njohur e flokëve e bërë nga e verdha e vezës dhe vaji i arrës së kokosit është e njohur mirë. E verdha përmban shumë proteina që forcojnë gjëndrën e qimes së flokëve, kështu që në shumicën e rasteve funksionon dhe rezultatet janë të dukshme brenda disa javësh. E tëra çfarë ju duhet të bëni është të përzieni 3 të verdha te vezëve me 3 lugë vaj kokosi dhe t’i vendosni në lëkurën e kokës dhe rrënjën e flokëve tuaj. Lëreni të veprojë për 10-15 minuta, pastaj shpërlaje kokën me ujë të ngrohtë.
