Argjentina po përpiqet të zgjidhë misterin e shfaqjes së infeksionit të koronavirusit në 57 marinarë pas 35 ditësh të kaluara në det, pvarësisht se të gjithë ishin negativë në provën e para-lundrimit.
Varka e peshkimit ‘Echizen Maru’ u kthye në port pasi një pjesë e marinarëve kishin simptoma që korrespondojnë me covid, njoftoi Ministria e Shëndetësisë. Sipas ministrisë, 57 nga 61 anëtarët e ekuipazhit janë tani pozitivë me koronavirus. Vetëm dy detarë negativë
Të gjithë që testuan 14 ditë para lundrimit, ishin negative dhe ishin në karantinë të detyrueshme në një hotel në qytetin e Ushuaiai deri sa të hipën në anije. Tani, vetëm dy detarë janë negativë për virusin, dhe rezultatet priten për dy anëtarë të ekuipazhit të tjerë. Dy marinarë u shtruan në spital.
“Eshtë e vështirë të përcaktohet se sa ishin të infektuar sepse nuk kishin qenë në kontakt me askënd për 35 ditë dhe ishin furnizuar me ushqim nga porti i Ushuaia”, thotë epidemiologu Alejandra Alfaro në Tierra del Fuego.
Ekipi tani po përpiqet të përcaktojë kronologjinë e simptomave për të përcaktuar kronologjinë e infeksionit. Kreu i departamentit të sëmundjeve infektive në Spitalin Ushuaia, Leandro Ballatore, thotë se inkubacioni 35-ditor nuk është përshkruar ende.
