Trupat inspektuese të Autoritetit Kombëtar të Ushqimit vijuan edhe gjatë ditës së sotme inspektimet si edhe monitorimet në kuadër të taskforcës kundër përhapjes. AKU bën të ditur se gjatë ditës së sotme janë marrë 67 mostra në të gjithë vendin për kryerjen e analizave laboratorike.
“Gjatë kontrolleve kanë vijuar orientimet dhe këshillimet ndaj biznesit ushqimor për disponimin e plotë të dokumentacionit të sigurisë ushqimore si edhe në monitorime kundër përhapjes, ku vërehet një ndërgjegjësim në masë të lartë i bizneseve ushqimore”, thotë AKU.
