Kreu i qeverisë Edi Rama mbajti sot një takim me kryetarët e bashkive, për performancën lokale në funksion të vizionit “Shqipëria 2030” dhe rrugës së pandalshme drejt anëtarësimit në Bashkimin Europian.
Rama edhe një herë tha se nga dita e hënë e kësaj jave nuk do të ketë më paralajmërime, por direkt sekuestrim të çdo produkti qumështi dhe bulmeti që shitet pa faturë, në mënyrë që të rritet kontrolli për cilësinë.
Ndërkohë ai tha se tryeza të tilla duhet të zhvillohen edhe me grupe më të vogla duke u bërë thirrje të gjithë drejtuesve të qarqeve që të bashkëpunojnë me kryetarët e bashkive, një thirrje që ua drejtoi edhe përfaqësueseve të opozitës.
“Nga e hëna sekuestrim çdo produkt bulmeti pa faturë në çdo dyqan dhe tregje. Drejtuesit e qarqeve të ulen bashkë me kryetarët e bashkive pa dallim përfshirë dhe ata tre katër miq të mirë që kemi këtu nga dikur opozita, dhe nga që të punojmë për fshatin sepse siç e tha konsensuali Dhimo Kote, domatja dhe gështenja nuk ka parti”, tha Rama.
