Ditët e ftohta të dimrit, fëmijët e sëmurë në Spitalin Pediatrik do t’u duhet që t’i përballojnë me batanije. Kjo pasi, në spital nuk funksionon sistemi i ngrohjes.
Një telefonatë në redaksinë e SYRI.net nga një prind i një fëmije të sëmurë ka denoncuar skandalin e kësaj qeverie dhe të Ministrisë së Shëndetësisë.
Pavioni i fëmijëve të sëmurë të shtruar në Spitalin Pediatrik të Tiranës, godina tre katëshe është pa ngrohje. Fëmijë me diagnoza të rrezikshme që nuk kanë mundësi të qëndrojnë ngrohtë në dhomat e spitalit.
“Ky është një skandal”, thotë prindi i revoltuar.
Përveç se nuk ka ngrohje për fëmijët e sëmurë, pa ngrohje është edhe personeli që u shërben 24 orë këtyre fëmijëve me probleme shëndetësore
Ndërkohë që temperaturat janë disa gradë nën zero.
