Personi në foto quhet Skënder Hajro dhe punon si shpërndarës poste në Filialin e Postës Shqiptare Vlorë. Skënderi ose “Lipe Postieri” si e thërrasin vlonjatët, ka filluar punën në këtë detyrë në Mars 1971 në ndërmarrjen e Post Telegraf Telefon Vlorë ose shkurt PTT. Lipe, sot vazhdon punën e postierit në kompaninë Posta Shqiptare sh.a.
Lipja është miku i të gjithë familjeve vlonjate, sepse në çdo familje ai ka çuar një letër të shumë pritur prej tyre, një kartolinë urimi për vitin e ri, një telegram ku njoftonin shëndetin të afërmit e tyre, apo një objekt tjetër postar, si thërriten sot shërbimet postare që kompania Posta Shqiptare i ofron sot kudo për qytetarët e saj.
Lipja dhe të gjithë kolegët e tij në Vlorë dhe në gjithë shqipërinë e kanë çuar imazhin e Posta Shqiptare Sh.a në nivelet e pritshmërisë të qytetarëve, andaj,
Posta Shqiptare sh.a dhe Filiali i Saj në Vlorë, i shprehin Lipes mirënjohjen dhe respektin e madh për përkushtimin, korektesën dhe besnikërinë e Tij ndaj Postës Shqiptare Sh.a.
Faleminderit Skënder! Faleminderit Lipe Postieri! Faleminderit legjendë e Filialit të Postës Vlorë!
