Një shqiptar, Liridon Kastrati, 32 vjeç, është shpallur fajtor në një gjykatë në Glasgow, pasi akuzohet se tentoi të vriste një oficer policie duke e ndjekur me sharrë elektrike në Paisley, Renfrewshire.
Ngjarja ka ndodhur më 6 maj 2024, kur Kastrati, pasi përplasi makinën e tij me automjetin e policisë, reagoi agresivisht ndaj efektivëve që tentuan ta arrestonin. Sipas provave të paraqitura në gjykatë, ai nxori një sharrë elektrike dhe u sul drejt oficerit Gary Cowan, i cili dëshmoi se ishte i bindur se shqiptari po përpiqej ta vriste.
Edhe pse më herët mohoi akuzat, Kastrati u dënua për një akuzë të ndryshuar që përcakton tentativë vrasjeje. Gjyqtari paralajmëroi se shqiptarit do t’i jepet një dënim i rëndë, i cili pritet të bëhet publik muajin e ardhshëm.
Kastrati ka qëndruar 18 muaj në paraburgim që nga momenti i arrestimit. Ndërkohë, avokati i tij pranoi përdorimin e sharrës dhe agresionin, por akuzoi policinë për një “hetim të gabuar dhe jo të paanshëm”.
“Ai po më ndiqte nga pas me sharrë elektrike, duke e mbajtur sharrën elektrike lart, duke vrapuar pas meje. Mendova se nëse nuk krijoj distancë, ai do të më vrasë.” Oficeri pranoi se ishte “i tmerruar” dhe besonte se Kastrati do të më “priste krahët, do të më priste kokën”.
Detektivi Jan MacColl përgëzoi oficerët dhe një qytetar që ndihmoi në ndalimin e 32-vjeçarit, duke nënvizuar rëndësinë e mbajtjes përgjegjëse të çdo personi që ushtron dhunë ndaj forcave të rendit.
