Milan Skriniar së fundmi ka dhënë një intervistë për sajtin sllovak, “Sport.sk” për sezonin që po kalon tek Interi. mbrojtësi zikaltër ka folur për objektivin e klubit, që është triumfi në kampionat, teksa ka pranuar se te Interi ende e vuajnë atë eliminim nga Liga e Kampionëve.
“Eliminimi nga Liga e Kampionëve ka qenë një goditje e rëndë për ne, megjithatë jemi në lojë edhe në dy trofe dhe do të bëjmë të pamundurën të fitojmë diçka këtë sezon. Flasim pak për titullin në dhomat e zhveshjes, por Interi është një skuadër që ka gjithmonë objektiva maksimalë.
Fitorja me Juventusin në kampionat? Ishte shumë e rëndësishme, pasi nuk fitonim prej vitesh dhe për më tepër bëhet fjalë për derbin e Italisë. Pas asaj ndeshjeje ishim shumë të lumtur dhe të bindur në forcën tonë për t’i ndryshuar udhë titullit kampion, që prej 9 vitesh radhazi shkon në Torino. Këtë sezon kampionati është shumë i ekuilibruar, por ne do të bëjmë gjithçka për të fituar”, deklaroi Skriniar.
