Nje i ri eshte vene ne pranga pasi eshte treguar kokeforte me policine. Kundërshtoi dhe kanosi punonjësit e policisë të forcave të posaçme “Shqiponja”, por u vu në pranga nga Policia.
Specialistët për Hetimin e Krimeve në Komisariatin e Policisë Elbasan, arrestuan në flagrancë shtetasin:S.S., 37 vjeç , banues në Elbasan.
Arrestimi i tij u bë pasi në bulevardin “Aqif Pasha”, Elbasan, ky shtetas kishte parkuar mjetin e tij duke u bërë pengesë për qarkullimin e mjeteve të tjera dhe për shkak të deryrës ka kundërshtuar dhe kanos me fjalë punonjësit e policisë të forcave të posaçme “Shqiponja”, të cilët e kishin konstatuar këtë mjet por kanë hasur rezistenc nga drejtuesi i mjetit duke mos ju bindur urdhërit për ta lëvizur mjetin.
Materialet i kaluan Prokurorisë pranë Gjykatës së Shkallës Parë Elbasan, për veprime të mëtejshme.
