Categories Lajme

SPAK arreston inspektorin e Kadastrës dhe 9 të tjerë, fakton me metoda speciale hetimi 14 raste të marrjes së parave

Prokuroria Speciale njofton arrestimin e një inspektori të Kadastrës dhe 9 personave të tjerë, ndërsa një tjetër është shpallur në kërkim. Ilir Kapetani ishte me detyrë Inspektor i Shqyrtimit të Dosjeve  pranë Agjencisë së Trajtimit të Pronave.

SPAK thotë se ka përdorur mjete dhe metoda speciale hetimi të alternuara këto me mjetet apo metodat tradicionale të hetimit dhe ka arritur të faktojë të paktën në katërmbëdhjetë raste të marrjes së parave.

Inspektori i Kadastrës u ka marrë qytetarëve të ndryshëm, trashëgimtarë të ish pronarëve, shuma parash në shkëmbim të premtimit për të siguruar kompensimin financiar, gjatë trajtimit të kërkesave të tyre për kthimin dhe kompensimin e pronës.

Ilir Kapetani akuzohet se ka konsumuar elementët e figurës së veprës penale të “Korrupsionit pasiv të personave që ushtrojnë funksione publike” në katërmbëdhjetë raste, ndërkohë që shtetasit D.L., Xh.V., G.T., D.D., L.A.,  A. H., J.Z., V.B. dhe A. G., dyshohet se kanë konsumuar elementët e figurës së veprës penale të “Korrupsionit aktiv të personave që ushtrojnë funksione publike”.

Me kërkesë të Prokurorisë, Gjykata e Posaçme e Shkallës së Parë Për Korrupsionin dhe Krimin e Organizuar me vendimin Nr. 20 datë 16 Mars 2023 ka vendosur:

  • Caktimin e masës së sigurimit “Arrest në burg” parashikuar nga neni 238 i Kodit të Procedurës Penale për shtetasin, I.K.  si person i dyshuar për kryerjen e figurave të veprave penale të “Korrupsionit pasiv të personave që ushtrojnë funksione publike” parashikuar nga nenet 259 i Kodit Penal (katërmbëdhjetë herë).
  • Caktimin e masës së sigurimit “Arrest në shtëpi” parashikuar nga neni 237 i Kodit të Procedurës Penale, për shtetasit D.L. dhe G., si persona të dyshuar për kryerjen e figurës së veprës penale të “Korrupsionit aktiv të personave që ushtrojnë funksione publike” parashikuar nga neni 244 I Kodit Penal;
  • Caktimin e masës së sigurimit personal “Detyrim për tu paraqitur në policinë gjyqësore” parashikuar nga neni 234 i Kodit të Procedurës Penale për shtetasit XH.V., G.T., D.D., L.A., A.H., J.Z. si persona të dyshuar për kryerjen e figurës së veprës penale të “Korrupsionit aktiv të personave që ushtrojnë funksione publike” parashikuar nga neni 244 i Kodit Penal;
  • Caktimin e masës së sigurimit personal “Ndalim i daljes jashtë shtetit” parshikuar nga neni 233 i Kodit të Procedurës Penale, për personin nën hetim B. si person i dyshuar për kryerjen e figurës së veprës penale të “Korrupsionit aktiv të personave që ushtrojnë funksione publike” parashikuar nga neni 244 i Kodit Penal.
  • Masat e sigurimit për shtetasit e sipërcituar, janë ekzekutuar në datën 20 Mars 2023, ndërkohë që është shpallur në kërkim shtetasi A.G.

Leave a Reply

Adresa juaj email s’do të bëhet publike. Fushat e domosdoshme janë shënuar me një *

Lexoni Gjithashtu

Categories Lajme

“Me babin s’kam folur, por…” Donald Veshaj telefonon LIVE mamin e Heidit, ja çfarë i thotë ajo

Donald Veshaj, i ftuar në ‘Cherry on Top’, mes të tjerash, ka komentuar lidhjen e…

LEXO ME SHUME
Categories Lajme

Tentoi të korruptonte policin pasi shkeli limitin e shpejtësisë, shoferi në telashe, rezultoi se…

Një 24-vjeçar ka rënë në prangat e policisë, pasi tentoi të korruptonte policin, pasi shkeli…

LEXO ME SHUME
Categories Lajme

Automjeti përplaset me motorin në aksin Lushnjë-Berat! Plagoset 62-vjeçari…

Një aksident ka ndodhur në aksin  “Lushnjë-Berat” rreth orës 08:00 të mëngjesit të sotëm. Raportohet se…

LEXO ME SHUME
Categories Lajme

Fundjavë e nxehtë, temperatura deri në 31 gradë celsius

Vendi ynë pritet të jetë nën ndikimin e kushteve atmosferike të qëndrueshme, falë ndikimit të…

LEXO ME SHUME
Categories Lajme

Motra iu vra nga ish-bashkëshorti, mjeku flet për gjendjen shëndetësore të 15-vjeçarit të plagosur në Ferizaj

Një ngjarje e rëndë sot ka tronditur jo vetëm qytetin e Ferizajt, por për gjithë…

LEXO ME SHUME