Prokuroria e Posaçme Kundër Korrupsionit dhe Krimit të Organizuar (SPAK) ka kërkuar dënimin me 12 vite burgim të Bledar Tetës, i cili u arrestua pas vrasjes së ish-efektivit Santiago Malko në Tiranë, në gusht të vitit 2019.
Bëjmë me dije se Teta akuzohet për veprën penale të “V rasjes së kryer paramendim“ në bashkëpunim në kuadër të “Grupit të Strukturuar kriminal”. Lajmi është dhënë në seancën e zhvilluar sot në ambientet e Gjykatës së Posaçme, teksa prokurori i çështjes renditi provat për implikimin e Tetës në vrasjen e Santiago Malkos dhe lexoi pretencën.
Kujtojmë se ish-polici Santiago Malko u ekzekutua mbrëmjen e 27 gushtit në zonën e “Xhamllikut” në Tiranë, në makinën e tij tip “BMW X5”. I skeduar për një sërë ngjarjesh kriminale, Malko kishte hyrë edhe në administratën shtetërore.
