Skuadra e Partizanit ka fituar trofeun e parë, në prag të fillimit të sezonit të ri në Kategorinë Superiore.
Një finale spektakolare e dramatike u zhvillua sonte në Superkupën e Shqipërisë mes Partizanit dhe Kukësit. Në finalen e zhvilluar në ‘Elbasan Arena’, kampioni në fuqi doli fitues ndaj nënkampionit.
Ndeshja e rregullt prej 90 minutave përfundoi 2-2, teksa Partizani shpërtheu gjatë vazhdimeve duke shënuar fitore në fund me rezultatin 4-2.
Esat Mala dhe Brian Brown(het-trik) shënuan në fitoren e Partizanit, teksa për Kukësin realizuan Edis Malikji dhe Emiljano Musta.
Vlen të theksohet se vetëm 6 ditë më vonë Partizani dhe Kukësi do të përballen përsëri për të çelur sezonin e ri të Superiores.
