Sport

Champions League/ Barcelona luan sonte shanset e fundit, Juvja kërkon fitoren e tretë

Champions League vijon me mbrëmjen e dytë të ndeshjeve të treta në grupe. Gjithçka do të nisë nga “Camp Nou”, atje ku Barcelona do të kërkojë 3 piket e para për të qëndruar ende në garë për kualifikim, çdo rezultat tjetër thuajse e skualifikon. Në orën 21:00 ndeshja më interesante mund të cilësohet ajo mes Manchester United dhe Atalantës. Djajtë e Kuq kanë 3 pikë, ndërkohë që bergamaskët 4. Sfida e mbrëmjes së sotme dhe ajo e kthimit do të përcaktojnë shumë për kualifikimin dhe vendin e parë, pasi vështirë se Young Boys dhe Villareal të bëjnë shumë surpriza.

Bayerni do të ketë një transfertë aspak të thjeshtë ndaj Benficës. Ekipi portugez ka 4 pikë dhe ka shpresa për kualifikim, një rezultat pozitiv mbrëmjen e sotme do i shtonte akoma më shumë. Juventus ndërkohë do të jetë i impenjuar në transfertën ndaj Zenit. Skuadra bardhezi kërkon fitoren e tretë pas tri ndeshjeve të para për të hipotekuar dhe kualifikimin.

Artikuj të ngjashëm

Leave a Reply

Your email address will not be published. Required fields are marked *

Back to top button
Close
%d bloggers like this: