PSG-Real Madrid është maksimumi që mund të ofronte Champions League në fazën e 1/8, një finale e parakohshme, në këtë linjë është edhe Carlo Ancelotti, i cili rikthehet në Paris për të sfiduar ish ekipin e tij:
“Kam ndjesi pozitive. Kemi të gjithë besimin e botës se mund t’ia dalim. Ndeshja është me një shkallë vështirësi të lartë, kundër një ekipi që këtë sezon kërkon të fitojë Champions League. Mund të ishte një finale dhe askush nuk do të befasohej.
Presioni është i lartë tek të dy ekipet, ne duhet të kujdesemi vetëm për të nxjerrë më të mirën tonë. Këto janë ndeshje shumë të lehta për një trajner, sepse nuk është e nevojshme të motivosh lojtarët.
Rikthimi në Paris? Kam kujtime të bukura nga koha kur punoja këtu, sot do të përballemi me një skuadër të mrekullueshme ku Pochettino po bën mirë.
Për mua nuk është e vështirë as të drejtoj Real as kur drejtoja PSG, sa më i madh të jetë një klub, aq më shumë argëtohem”, u shpreh Carlo Ancelotti ndër të tjera në konference për shtyp.