Një gol në minutën e parë shtesë nga Jan Vertongen i ka kthyer buzëqeshjen Zhoze Murinjos dhe e ka afruar përsëri Totenhemin e drejtuar nga portugezi me zonën Champions. Skuadra londineze mundi 2-1 në transfertë Ullvërhempton dhe tashmë është vetëm 3 pikë pas Çelsit të vendit të katërt në klasifikim me shanse reale për të kapur ish-skuadrën e tij.
Lukas shënoi për Totenhemin që në minuta e parë të ndeshjes por Ullvërhempton barazoi gjithçka me anë të Traore në minutën e 67. Dueli dukej se po i afrohej barazimit, por festa erdhi në fund, kur Vertongen me një gjuajtje me kokë pas një goditje nga këndi, siguroi tre pikët për ekipin e tij.
Kjo fitore i dha mundësinë ndërkohë Totenhem që të kalonte Mançester Junajtid, i cili u ndal në barazim 1-1 përballë Everton. Autogoli i Lindelof hapi telashe për “djajtë e kuq” të cilët me vështirësi barazuan në pjesën e dytë me anë të të riut Grinud.