Janë luajtur 3 takimet e para të fazës play-off të Ligës së Kampionëve për sezonin 2019-2020. Gjysëmfinalistët e sezonit të shkuar, Ajax e shtyu çështjen e kualifikimit në grupet e Champions për në Amsterdam, pasi në Qipro përballë APOEL Nicosias nuk shkoi më shumë se një barazim 0-0.
Largimi i De Jong si edhe i De Ligt duket se ka dobësuar shumë ekipin e Ten Haag, i cili përveçse nuk shënoi e mbylli takimin me 10 futbollistë. Kjo për shkak se marokenin, Mazraoui e tradhëtuan nervat, duke u larguar me karton të kuq 10 minuta përpara fundit.
Fitore shprese mori Slavia e Pragës, që kaloi minimalisht, 1-0 Cluj. Përballë rumunëve luajti për 90 minuta edhe ish-sulmuesi i Skënderbeut, Peter Olayinka, por autor i golit ishte Masopust. Mesfushori me tipare sulmuese lëshoi një goditje të kalibruar nga jashtë zonës, duke vulosur rezultatin e takimit të luajtur në Rumani dhe duke afruar akoma dhe më shumë çekët me fazën e grupeve të Champions.
Me rezultat 1-0 u mbyll edhe takimi i austrisë, me Club Brugge që vendosi diktatin në transfertë ndaj LASK Linz. Goli i vetëm u shënua nga Vanaken në minutën e 10-të. Mesfushori ekzekutoi saktë një penallti, duke i vendosur belgët si kandidat potencial për për të kaluar në grupet e Ligës së Kampionëve. Takimet e kthimit luhen javën e tjetër, ndërsa aktet e para të 5 takimeve të mbetura do zhvillohen nesër.
