Prej tre ditësh po zhvillohen garat mbi liqenin e ngrirë të Baikal në Siberi. Me qindra sportistë nga e gjithë bota kanë ardhur për të garuar në një terren aspak normal ku do të përshkojnë një rrugë prej 205 km.
Por kjo rrugë është mbi liqenin e ngrirë në Siberi, ku garuesit do ta përshkojnë atë me patina, biçikleta si dhe slita. Përveç terrenit të vështirë ata u përballën dhe me temperatura ekstremisht të ulëta ku u regjistruan -15 gradë celsius duke e bërë garën akoma më të vështirë.
Gjatë garës, të regjistruar në kamera mund të shihje shtresën e akullit e cila kishte çarje dhe krisje në vende të ndryshme. Kjo i ka shtuar adrenalinë dhe frikë tek garuesi. Ndërkohë që shumë prej tyre kishin ardhur për të fituar, disa të tjerë shprehen se ishin aty vetëm për eksperiencën e bukur.
