Atdhe Xharavina foli së fundmi për vajzën që dashuron, por nuk zbuloi identitetin e saj. Ai u shpreh se aktualisht është single, pasi vajza që i ka rrëmbyer zemrën nuk pranon të lidhen bashkë pasi e sheh akoma si ‘Atdheu i Për’puthen’ dhe s’ka siguri në fjalët e tij.
Ish-konkurrenti i Për’puthen tha se tani ka hequr dorë nga ajo dhe është i përgatitur për të vuajtuar për një kohë të gjatë.
“Ka plot goca që më propozojnë. Kur hodha foton me Maria Bove më shkruajtën ‘na theve zemrën’. Por u them rrini të qeta jam single. I dashuruar jam unë, por s’jam me atë vajzën. E dua, por nuk jam me të. Besoj e njihni se Tirana është vogël dhe është e njohur mediatikisht. Ajo nuk jeton në Tiranë. Na pengojnë shumë gjëra që të mos jemi me njëri- tjetrin”, tha Atdhe Xharavina në ‘Wake Up’.
“Është e martuar ajo?”- e pyeti moderatorja, Ori Nebiaj.
“Jo. S’kam pasur nevojë kurrë kështu gjërash dhe s’kam nevojë. Nuk i fus hundët aty ku nuk dua. Janë shumë gjëra, rrugëtimi im i ‘Përputhen’ që po flitem akoma. Nuk është xheloze, por s’ka siguri. Më sheh akoma si Atdheu i Për’puthen, jo jashtë atij emisioni.
Më ka njohur përpara, tani e ka krijuar një ide dhe pse më njeh ndryshe. Ka dyshime, unë me shoqe kam postuar foto në Instagram. Jam impenjuar shumë por s’ka funksionuar. Do e lë me kaq, do vuaj një kohë të gjatë. S’kemi halle të tjera”, përfundoi ai.
