Është meritë e disa substancave bioaktive të pranishme te drithërat integrale, te fitokimikatet dhe disa fibrave të tjera që merren nga buka integrale, për të cilat trupi ynë merr shumë benefite.
Në Finlandë u krye studimi i parë i cili shpjegon se si konsumi i fibrave që rrjedhin nga gruri apo thekra është në gjendje të mbajë larg patologjinë diabetike. Buka integrale ul nivelet e serotoninës në gjak dhe veçanërisht në zorrën e trashë. Dhe nivelet e ulëta të gjakut të serotoninës (e cila nuk është vetëm molekula e humorit të mirë, por gjithashtu rregullon peristaltikën, dhe për këtë arsye edhe aktivitetin e tretjes) janë të lidhura me një rrezik më të ulët të diabetit të tipit 2. Dhe ndoshta edhe kancerin e zorrës së trashë. Kjo është zbuluar nga një studim i kryer nga Universiteti i Finlandës Lindore dhe IARC (Agjencia Ndërkombëtare për Kërkimin e Kancerit), botuar në American Journal of Clinical Nutrition. Konsumi i fibrave që rrjedhin nga gruri apo thekre e tërë, në fakt, do të zvogëlonte prodhimin e serotoninës nga zorrët, që është organi më përgjegjës për prodhimin e saj. Në fakt është meritë e disa substancave bioaktive të pranishme te drithërat integrale, te fitokimikatet dhe disa fibra nga të cilat bakteret e zorrëve prodhojnë një seri të metabolitëve. Për të parandaluar kancerin e zorrës së trashë konsumoni veçanërisht drithërat integrale.
Eksperimenti
Katër javët e para të studimit, mjekët u kërkuan pjesëmarrësve të konsumonin nga 6 deri në 10 feta bukë të bardhë, me përmbajtje të ulët fibrash. Ndërsa katër javët e tjera iu kërkua të hanin të njëjtën sasi, por kësaj radhe bukë integrale. Sa u takon pjesës tjetër të ushqimeve nuk pati ndryshime. Në përfundim të dy periudhave të studimit, pjesëmarrësve iu mor edhe një analizë gjaku. Studiuesit zbuluan se konsumi i thekrës në krahasim me konsumimin e bukës së bardhë kishte prodhuar një reduktim të ndjeshëm në përqendrimet e serotoninës. Njihej prej kohësh në fakt që konsumi i drithërave integrale ul rrezikun për diabet tip 2, sëmundjet e zemrës dhe disa lloje tumoresh, për të cilat ende nuk dihej baza specifike për përfitimet.
Sëmundja
Diabeti melitus tip 2 apo diabeti i shfaqur në moshë të madhe përbën 90-95% të gjithë diabetit. Kjo formë ka deficencë relative të insulinës dhe rezistencë periferike të veprimit të insulinës. Te të sëmurët me diabet melitus tip 2 ka një rritje të indit dhjamor në formën e obezitetit abdominal. Ai shfaqet te personat me predispozicion gjenetik dhe histori familjare me diabet, dhe si faktor shpërthyes mund të jetë një gjendje stresi, një infeksion.