Kryetari i grupit parlamentar të Partisë Socialiste, Taulant Balla ishte në banesën e 12-vjeçarit Mateo Shuli, e të cilit u dëmtua nga stuhia. Shtëpia e familjes Shuli në Kusarth ishte dëmtuar nga një stuhi dhe ishte thuajse e pabanueshme. Balla premtoi rikonstruksionin e saj dhe me ndihmën e disa sipërmarrësve tashmë Mateo dhe familja e tij kanë një banesë në kushte optimale.
“Mateo Shuli është 12 vjeç. Ai është fëmijë me aftësi ndryshe dhe mëson në shkollën ‘Zëra Jete’ në Elbasan. 2 muaj më parë e takova Mateon rastësisht në një aktivitet dhe më kërkoi ndihmë për rikonstruksionin e shtëpisë. Me ndihmën e disa sipërmarrësve tashmë Mateo dhe familja e tij kanë një banesë në kushte optimale”, tha Balla.
“Detyra e qeverisë është t’u garantojë kushte të barabarta mësimi dhe zhvillimi të gjithë fëmijëve. Kjo është arsyeja që Partia Socialiste kërkon mandatin e tretë. Shqipërinë e ndërtuam, njësoj si shtëpinë tuaj, tashmë duhet ta mobilojmë atë”, tha Balla. Por për të arritur të gjitha këto, Balla tha se nuk ka kohë për gjumë e llafe, por puna duhet të vijojë çdo ditë. Ai falënderoi edhe gazetarët e Elbasanit që u bënë zëri i familjes Shuli dhe mbështetën Mateon në kauzën e tij të drejtë
