Ministrja e Jashtme e Suedisë Ann Linde nënshkroi mëngjesin e sotëm një aplikim që deklaronte se vendi dëshiron të anëtarësohet në NATO.
Ky veprim shënon një hap zyrtar të Stokholmit drejt bashkimit me aleancën ushtarake të udhëhequr nga SHBA, duke i dhënë fund dekadave të neutralitetit ushtarak, pasi pushtimi rus i Ukrainës ndezi një evolucion dramatik në sigurinë dhe gjeopolitikën evropiane.
“Është një çështje shumë serioze dhe duket sikur kemi arritur në një përfundim që është më i miri për Suedinë. Ne nuk e dimë se sa kohë do të zgjasë, por llogarisim se mund të zgjasë deri në një vit. Tani këtë javë, ky aplikim do të dorëzohet, së bashku me Finlandën, brenda një dite apo më shumë, dhe më pas do të përpunohen nga NATO”, tha Linde.
