Deputeti i PD, Dashnor Sula deklaroi sot se shqiptarët duan masa për të ulur çmimet, nuk i ka marrë malli të shohin Ramën në televizor.
Deputeti i PD-së Sula ishte sot në marketet e Peqinit dhe të Rrogozhinës për të parë nga afër situatën e çmimeve në treg.
“Kryeministri i ka keqkuptuar qytetarët. Ata nuk i kishte marrë malli për ta parë atë çdo minutë në televizor, por presin prej tij që të marrë masa konkrete duke ulur taksat abuzuese në mënyrë që të ulen edhe çmimet. Njësoj si edhe në marketin ku ishte Edi Rama sot, edhe në marketet e Peqinit dhe Rrogozhinës ku isha unë, ndonëse ditë e Dielë dhe duhet të gumzhinin me klientë, realiteti ishte krejt e kundërta. Bosh.
U desh të prisja disa minuta derisa në derë të shfaqej ndonjë qytetarë për të blerë. Përtej propagandës së qeverisë, situatën reale e pohojnë qytetarët. Nuk po arrijmë të marrim dot edhe bukën e gojës”, më tha një kryefamiljar duke u lutur që çmimet të bien” tha ai.
Sipas, Sulës çmimet vazhdojnë të jenë të larta në Rrogozhinë.
“Situata është e trishtë në Peqin,dhe gjithë zonën ku jam zgjedhur deputet. Shqiptarët kanë vite që paguajnë me taksat e tyre agjenci të shumta për të mbajtur në monitorim tregun e që të mos lejojë abuzimin nga ana e bizneseve. Në këto momente nuk ka nevojë për të ngritur borde e për të shtuar numrin e punonjësve të administratës që paguhen me paratë e shqiptareve, por është momenti që qeveria të marrë përgjegjësitë e të veproj njësoj si qeveritë e rajonit të paktën duke pezulluar disa taksa derisa të ketë një situatë më të përmirësuar”, shprehet ai.
Po ashtu Sula publikoi tabelën e çmimeve duke bërë krahasimin sa ishin pak ditë më parë dhe sa janë sot.
Produkti Ishte Bëhet
Buka 80 lekë 100-110 lekë
Sheqeri 75 lekë 110 lekë
Miell 100 lekë 120 lekë
Vaji 180 lekë 300 lekë
Makaronat 75 lekë 90 lekë
Qumështi 140 lekë 160 lekë.
