Deputeti konservator në Britaninë e Madhe David Amess ka ndërruar jetë pasi u qëllua disa here me thikë ditën e sotme. Mediat britanike raportojnë se në pranga është vënë autori i dyshuar.
Mediat vendase raportojnë se policia ka arrestuar autorin e dyshuar. Deputeti veteran, i cili ka përfaqësuar Southend West në Essex që nga viti 1983, u sulmua në kishën metodiste Belfairs në Leigh-on-Sea, ndërsa ishte në një aktivitet elektoral, raportoi fillimisht Sky News.
Stafi në zyrën e Amess tha se ata nuk dinin detaje të mëtejshme dhe po prisnin përditësime. Në një deklaratë të shkurtër, policia e Essex bëri me dije se një burrë ishte arrestuar pas një incidenti në Leigh-on-Sea.