Një tjetër denoncim është lëshuar sot për kushtet në maternitetet shqiptare, të shënjestruara së fundmi për mungesë të inkubatorëve çka ka sjellë edhe vdekjen e foshnjave.
Situata në të cilën ndodhen maternitetet shqiptare, po rëndohet çdo ditë e më shumë. Mungesa e inkubatorëve dhe e pajisjeve të tjera mjekësore për të trajtuar foshnjet e lindura para kohe, po sjell rritjen e vdekshmërisë foshnjore (këtu).
Në qendër të vëmendjes është vënë materniteti “Koçi Gliozheni” në Tiranë, ku sipas deputetit demokrat Bardh Spahia, qeset që shërbejnë për këpucët përdoren si dyer në inkubatorë.
Spahia e ka denoncuar fenomenin edhe me foto, ai shkruan:
“Ne Maternitetin Koço Gliozheni, qeset qe përdoren per te mbuluar këpucët përdoren si dyer për inkubatorët. Ky është investimi i fundit madhor i ministres se shendetesise se qeverise Rama. (foto e bere sot ndersa ministrja ishte ne mbledhje me dyer te mbyllura me drejtuesit)!”
