Vlorë- Kandidat për deputet në qarkun e Vlorës deputeti Vullnet Sinaj vijon takimet në fshatrat e zonës së lumit të Vlorës. Ditën e djeshme ka zhvilluar takimet me banorët e Kotës.

I shoqëruar nga kryetari i Bashkisë së Selenicës, Pëllumb Binaj, kryetari i Partisë Socialiste të Selenicës, Nertil Bellaj dhe drejtuesin politik të PS, Damian Gjiknuri së bashku me banorët e zonës, deputeti Sinaj ndau mendimet mbi sukseset e deritanishme në këtë zonë, duke folur edhe për sukseset që do të realizohen në të ardhmen.

Në faqen zyrtare të Facebook, Sinaj publikon foto nga takimet ku shprehet se mandati i tretë do të vijojë të mbështesë më tej projektet që do të garantojnë të ardhmen e përbashkët të zonës.

“Sot në takimin e hapur dhe të ngrohtë në Kotë, në prani të drejtuesit politik të PS për qarkun e Vlorës, Damian Gjiknuri, kryetarit të bashkisë së Selenicës, Pëllumb Binaj dhe kryetarit të PS-së së Selenicës, Nertil Bellaj. Angazhim i plotë i komunitetit për mbështetjen e projekteve që po vazhdojnë në zonën e lumit të Vlorës, në gjithë qarkun, por dhe në mbarë Shqipërinë.

Në fjalën time theksova nevojën për të garantuar të ardhmen e përbashkët, përmes votës për mandatin e tretë për kryeministrin Edi Rama. Shqipëria nuk do të gabojë dhe nuk do të riciklojë ata përfaqësues politikë, që jo vetëm i kanë futur shkopinj nën rrota reformës në drejtësi, por kanë mbajtur peng zhvillimin e vendit.”– shprehet deputeti Sinaj.