Donald Tusk, kreu i Këshillit Europian, ka reaguar në lidhje me prishjen e Teatrit Kombëtar dje më 17 maj. Përmes disa postimeve në Twitter, Tusk dënon shembjen e Teatrit si dhe dhunën e ushtruar ndaj protestuesve, aktorëve, politikanëve, por edhe gazetarëve. Tusk thotë se shembja e Teatrit është kundër vlerave europiane si dhe deklaron mbështetje për Partinë Demokratike të Shqipërisë, në luftën e saj për një Shqipëri më të mirë.
Reagimi i Tusk në Twitter: Sundimi i ligjit, media e pavarur dhe e lirë dhe lufta kundër korrupsionit duhet të mbizotërojnë për perspektivën evropiane të Shqipërisë. Unë shpreh mbështetjen time për partinë tonë anëtare pdshqiperi në luftën demokratike për një Shqipëri më të mirë.
Frikësimi dhe përdorimi i dhunës ndaj protestuesve, shoqërisë civile, artistëve si dhe politikanëve të opozitës janë të papranueshme. Unë dënoj prishjen e teatrit kombëtar në Tiranë të Dielën, e cila shkon kundër vlerave evropiane si ruajtja e trashëgimisë kulturore, sundimi i ligjit dhe dialogu transparent.
