Sipas MeteoAlb: Vendi ynë do të jetë në dominimin e kthjellimeve dhe kalimeve të vranësirave në zonat Veriore dhe qëndrore për gjatë gjithë ditës. Ndërsa në zonat Jugore pritet që vranësirat të pësojnë zhvillime të përkohshme duke sjell dhe reshje të izoluar shiu. Në zonat Juglindore do të ketë rishfaqje të flokëve të dëborës.
Temperaturat e ajrit do të ulen në mëngjes dhe në mesditë duke luhatur vlerat ditore nga -2°C deri në 14°C. Era do të fryjë mesatarisht me shpejtësi 40 km/h nga drejtimi verior – Verilindor duke sjellë në brigjet detare dallgëzim mbi 2 ballë.
Kosova
Republika e Kosovës në pjesën më të madhe do të jetë në dominimin e kushteve të qëndrueshme atmosferike të cilat do të sjellin kthjellime dhe kalime vranësirash. Pritet që vranësirat të pësojnë zhvillime të përkohëshme duke sjellë dhe reshje të pakta dëbore në zona të izoluara.
Maqedonia e Veriut
Territori i MV vijojnë të jetë në ndikimin e motit të paqëndrueshëm prej disa ditësh. Pritet që vranësirat e shpeshta që dominojnë vendin të zhvillohen herë pas here duke sjellë reshje të pakta dëbore në për të gjithë vendin.
Rajoni dhe Europa
Pjesërisht Italia dhe brigjet e Turqisë do të jenë në ndikimin e vranësirave të shpeshta të cilat do të sjellin reshje shiu në këto zona. Mbetet Lindje e kontinentit në dominimin e reshjeve të dëborës. Ndërsa Europa Veriore, Qëndrore dhe pjesa më e madhe e Jugut të kontinentit do të jenë në dominimin e kthjellimeve dhe kalimeve të vranësirave, ku më të dukshme kthjellimet do të jenë në Europën perëndimore.
