Me tension është shoqëruar fjala e nënkryetarit të Kuvendit, Myslim Murrizi, sot në seancën plenare, ndërsa seanca u ndërpre për pak çaste.
Shkak është bërë reagimi i deputetëve të opozitës, pasi kryesuesja e seancës, deputetja e PS-së, Vasilika Hysi, nuk i ka dhënë fjalën deputetit Myslim Murrizi.
“Nuk më thua ti kur flas, harroje, më jep fjalën,” iu drejtua Murrizi, nënkryetares Hysi, e cila në përgjigje kërkoi prej tij të respektojë etikën.
Pas kësaj, deputetë të tjerë të opozitës së re kanë bllokuar foltoren.
