Një djalë 15- vjeçar shqiptar ka humbur jetën në Itali pasi u përplas nga një tren. Ngjarja ka ndodhur mbrëmjen e djeshme, jo shumë larg stacionit në komunën Chiari, në provincën e Breshias.

I mituri me origjinë shqiptare, por i lindur dhe i rritur në Chiari, tentoi të kalonte në shina, por ndërkohë po kalonte dhe një tren, ku në atë çast ai është goditur. Në vendngjarje mbërritën karabinierët e stacionit Castrezzato dhe ata të Radiomobiles së Chiarit, policia rrugore, të cilët do të përpiqen të përcaktojnë rrethanat e tragjedisë.

Viktima sapo kishte zbritur nga treni nga Romano di Lombardia dhe ishte me një grup shokësh, të gjithë nga Chiari. Grupi nuk donte të kalonin në nënkalim, por donin të kalonin në shinat. Pesëmbëdhjetë vjeçari u përpoq të dilte përpara të gjithëve. Një tren që kalonte, një tren rajonal i nisur për në Milano, e goditi atë, duke e hedhur rreth dhjetë metra. Përplasja ka qenë shumë e fortë dhe fatale pasi 15-vjeçari gjeti vdekjen e menjëhershme.