Një 31-vjecar i identifikuar me inicialet G.T., ka thyer sinjalin e semaforit dhe për pasojë u ndalua nga patrulla e policisë. Në tentativë për të shmangur masën ndëshkimore, shoferi zgjodhi që ti jepte ryshfet dhe të korruptonte efektivin me 5000 mijë lekë. Kjo i kushtoi akoma më rëndë pasi u arrestua dhe do të dënohet për veprën penale “Korrupsionit aktiv ndaj personave që ushtrojnë funksione publike”.
Njoftimi i plotë: Rrugoret e kryeqytetit, kanë shtuar patrullimet policore në funksion të planit të veprimit për parkimet e gabuara dhe shkeljen e semaforit.
Gjatë patrullimit parandalues policor, efektivët e Komisariatit Rajonal të Policisë Rrugore Tiranë, kanë konstatuar drejtuesin e një automjeti me iniciale G. T, 31 vjeç, se vazhdon lëvizjen ndonëse sinjalizimi i semaforit e ndalon atë.
Gjatë kryerjes së veprimeve policore dhe administrative, drejtuesi i automjetit, i ka ofruar agjentit verifikues një kartmonedhë prerje 5000 lekë, me qëllim shmangien e masës administrative.
Në këto kushte, është bërë menjëherë arrestimi në flagrancë i shtetasit me iniciale G. T, për veprën penale “Korrupsionit aktiv ndaj personave që ushtrojnë funksione publike”, parashikuar nga neni 244 i Kodit Penal. #PoliciaRrugoreNeSherbiminTuaj #BashkePerSigurineTuaj
