Sistemi i vlerësimit nga kolegët, për kolegët në “Kënga Magjike” ka sjellë shpesh konflikte mes këngëtarëve. I tillë ka qenë edhe raporti mes Eneda Tarifës dhe Ardit Çunit.
Ky i fundit, i ftuar në “Mos i fol shoferit”, ka tentuar të largohet nga studio kur në sfond ka dëgjuar këngën e Enedës. Rudina Dembacaj, nisur nga gjesti i Arditit, e ka pyetur se ç’ka ndodhur mes tyre. Këngëtari ka shpjeguar se si qendron e vërteta, duke lënë të kuptohet se ai dhe Eneda vazhdojnë të mos flasin me njëri-tjetrin.
“Ka qenë një debat shumë i madh. Është sqaruar shumë herë, nuk kam dashur që t’i jap më shumë vëmendje, por që po e them shumë shkurt. Një mosvlerësim i saj për projektin tim e para dhe e dyta për miqësinë që kishte me mua. Për këngën “Frymë” që isha pjesëmarrës në ‘Këngën Magjike’ që ajo edhe e postoi në Story-n e saj dhe tha që kënga jote është një ndër 5 më të bukurat dhe në fund dha zero pikë.
U zhgënjeva shumë. E konsideroja mike, jo vetëm kolege. Por nuk u zhgënjeva nga fakti i miqësisë, por u zhgënjeva se doja të më vlerësonte se isha Arditi. Doja të më vlerësonte se Arditi këndoi atë këngën që asaj i pëlqeu. Pra, një njeri që deri diku ul veten (se ajo uli veten në rastin konkret) dhe ha fjalët e tua . I shkruajta një mesazh Enedës në privat dhe i thash ‘nuk e prisja nga ti këtë zero pikë për vetë faktin e këngës dhe miqësisë që kishim’.
Ajo nuk më tha as më fal, as çkemi asgjë dhe në orën 4 të mëngjesit kur u shpall e fituese më shkruajt e më tha që po të duash bëje publike e këtë mesazh po ia çoj Florit. I thash mos u shqetëso se Florit ia kam nisur vetë. Minimalisht po të më kishte thënë më fal e të më shpjegonte se çfarë ndodhi, unë do ta mirëkuptoja. Mua nuk m’i uli asnjë pikë këngës që ajo nuk më dha asnjë pikë. Mua nuk më prishi asnjë punë, ishte imazhi i saj që doli keq”, ka thënë Arditi. Marre nga News31.al
