Xhami i jashtëm i një lokali në qytetin e Durrësit është thyer në mënyrë të qëllimshme gjatë natës së kaluar. Polici ka arrestuar një 15-vjeçar i cili është autori i ngjarjes. I riu tentoi të vidhte lokalin por u kap në flagrancë nga blutë e qytetit bregdetar. Lokali është i pozicionuar në lagjen nr.4 dhe njihet me emrin San Marko.
Njoftim i policisë: Durrës/ Kapet në flagrancë një shtetas, pasi tentoi të vidhte në një lokal në lagjen nr. 4, Durrës. Nga shërbimet e Policisë Durrës u ndalua shtetasi i mitur H. L., 15 vjeç, pasi tentoi të vidhte gjatë natës në një lokal në pronësi të shtetases N. Sh., në lagjen nr. 4, Durrës. Materialet do i kalojnë Prokurorisë së Rrethit Durrës, për veprime të mëtejshme.
