Katër anëtarë të një familje kurdo-iraniane u mbytën tragjikisht ditën e djeshme, pasi anija e tyre u fundos në kanalin që lidh Francën me Anglinë. Foshnja 15 muajshe e familjes me emrin Artin është zhdukur dhe dyshohet se ka vdekur në ujërat e ftohta të kanalit Anglez në afërsi të Dunkirk-ut.
Familja kurde që ndërroi jetë tragjikisht ishte nga qyteti i Sardasht në Iranin perëndimor, pranë kufirit me Irakun. Rasoul Iran-Nejad, 35-vjeç, Shiva Mohammad Panahi, 35-vjeçe, Anita dhe Armini, përkatëisht 8 dhe 6 vjeç vdiqën si pasojë e mbytjes së varkës në ujërat e ftohta të kanalit që lidh Britaninë me Francën. Ndërkohë një operacion i madh shpëtimi ka rifilluar këtë mëngjes për të gjetur trupin e foshnjës Artin.
Pesëmbëdhjetë migrantë të tjerë që ishin në të njëjtën varkë u shpëtuan dhe u dërguan në spital. Anija u përpoq të merrte udhëtimin drejt ishullit britanik por erërat e forta dhe deti i paqëndrueshëm bëri që ajo mos të mbërrinte kurrë në destinacion.
