Mbrëmjen e së shtunës (31 gusht), një tërmet 5 ballë ka tronditur Alaskën jugore. Lëkundjet janë ndjerë rreth orës 20:32, ku epiqendra ishte 70 km në perëndim të Klukwan, fshat me 95 njerëz.
Sipas raporteve, lëkundjet janë ndjerë deri në kryeqytetin e Alaskës. Disa banorë të Junau reaguan në rrjete sociale duke treguar se po ndjenin që objektet në shtëpi i lëviznin. Por nuk ka raporte për dëme të konsiderueshme. Tërmeti i fundit i madh me magnitudë 7.1 që goditi Alaskën ndodhi në 30 nëntor 2018.
