Një burrë nga Azerbajxhani është shpërblyer me një makinë të re nga një biznesmen si shenjë vlerësimi për ndihmën ndaj viktimave të tërmetit në Turqi. Serveri Besirli u bë viral në rrjet pasi ngarkoi mbi makinën e tij të vjetër materiale ndihme për personat e prekur nga tërmeti shkatërrues.
Kujtojmë që numri i viktimave nga tërmeti ka kaluar mbi 46 mijë. 40,642 viktima janë konfirmuar në Turqi ndërsa në Siri më shumë se 5,800. OBSH bëri thirrje për ndihma në vlerë prej 1 miliard dollarësh për të mbijetuarit e tërmetit më shkatërrues në historinë moderne të Turqisë.Pak ditë më parë kërkoi 397 milionë dollarë për të ndihmuar gati 5 milionë sirianë në zonat veriperëndimore të vendit, të kontrolluara nga rebelët. Ndërkohë, nga fushata e televizioneve turke “Turqia, një zemër”, u mblodhën më shumë se 6 miliardë dollarë për të ndihmuar të prekurit.
Azerbaijani man, Server Besirli, who loaded aid materials into his old car for victims of #TurkiyeQuakes, reportedly given new car by businessman as token of appreciation pic.twitter.com/E5pzJzD8FW
— TRT World Now (@TRTWorldNow) February 19, 2023
