Një tërmet me magnitudë 3.4 sipas shkallës Rihter është regjistruar pak minuta më parë në detin Adriatik, në gjirin e Vlorës. Sipas EMSC, epiqendra e lëkundjeve sizmike ishte 7 kilometra në perëndim të Vlorës, ndërsa thellësia fokale e tërmetit ka qenë 2 kilometra. Lëkundjet janë regjistruar rreth orës 23:14.
Disa qytetarë nga Vlora kanë dërguar mesazhe ku shprehen se lëkundjet kanë zgjatur rreth 5 sekonda dhe janë ndjerë në gjithë qytetin bregdetar. Lëkundjet kanë qenë të lehta dhe për pasojë nuk raportohet për dëme materiale.
