Tërmeti i fuqishëm në Durrës me magnitudë 6.4 ballë Righter ka bërë që Partia Demokratike të anulojë të gjitha ceremonitë për Ditën e Pavarësisë dhe të Çlirimit.
PD shprehet se duke qenë se vendi ndodhet në një situatë të rëndë, nderimi më i madh për patriotët e shpalljes së pavarësisë dhe çlirimit të Shqipërisë, është që në këto momente të vështira për kombin shqiptar, është t’u gjendemi afër banorëve dhe familjeve të prekura nga tërmeti.
Njoftimi i Partisë Demokratike:
Të nderuar, Në vijim të njoftimit të bërë për Kalendarin e Aktiviteteve dhe Axhendën e ceremonive përkujtomore të Ditës së Pavarësisë dhe Çlirimit më 28 Nëntor, ju njoftoj sa më poshtë:
Për shkak të gjendjes së krijuar nga tërmeti, vijimit të gjendjes së fatkeqësisë dhe operacioneve të kërkim-shpëtimit, si dhe për shkak se nesër zhvillohen ceremonitë mortore për disa prej viktimave të tragjedisë, në nderim të tyre dhe për të respektuar dhimbjen e familjarëve të viktimave, Partia Demokratike ka vendosur të anulojë homazhet e planifikuara per neser ne oren 9.00 dhe çdo ceremoni përkujtimore të planifikuar me rastin e Ditës së Pavarësisë dhe Çlirimit. Nderimi më i madh për patriotët e shpalljes së pavarësisë dhe çlirimit të Shqipërisë, është që në këto momente të vështira për kombin shqiptar, t’u gjendemi afër banorëve dhe familjeve të prekura nga tërmeti.
Ju përshëndes!
