Ngrihet Ministria e Rindërtimit. Kuvendi miratoi sot me 95 vota pro, 4 kundër, dhe 1 abstenim ngritjen e ministrisë së Rindërtimit për të bërë të mundur rimëkëmbjen e banesave që u dëmtuan nga tërmeti. Ndërkohë që 5 deputetë nuk votuan. Nga ana tjetër me 97 vota pro, 2 kundër dhe 1 abstenim (5 nuk votuan) u miratua emërimi i Arben Ahmetajt si Ministër i Rindërtimit.
Ndërsa u vendos zgjatja e e gjendjes së fatkeqësisë deri në fund të muajit Mars, pas kërkesë së kryeministrit Edi Rama. Kjo u vendos me 92 vota pro, 2 kundër dhe 2 abstenim, (9 nuk votuan).
Ministria e Rindërtimit tashmë do të koordinojë punën e të gjithë mekanizmave të angazhuara për rimëkëmbjen e ndërtesave që u shembën pas tërmetit. Veç fondeve të shtetit, donacioneve të OJF-ve, një mbështetje e madhe ka ardhur edhe nga faktori ndërkombëtar.
Komisioni Europian ka vendosur të organizojë në Tiranë konfrencën e donatorëve, në fund të Janarit të vitit të ardhshëm, periudhë e cila përkon edhe me përpilimin e faturës së dëmeve e cila do të jetë gati në datë 16 Janar.
