15 pas goditje të tjera tërmeti kanë goditur vendin, që pas lëkundjes së fuqishme prej 6.3 ballë, që tronditi vendin.
Vetëm pak minuta më parë një tërmet i forcës 4.6 ballë. Pas lëkundja më e fortë u regjistrua në orën 07:08 minuta mëngjesin e sotëm, me forcë 5.5 ballë, ndërsa epiqendra ishte në Kepin e Rodonit, Durrës.
Pasojat nga tërmeti janë tragjike, ndërsa deri më tani numri i viktimave ka shkuar në 6. Raportohet për të tjera persona nën rrënoja, grupet e punës po vijojnë operacionet për shpëtimin e tyre. Dëmet materiale janë të pallogaritshme, ku janë shembur pallate e ndërtesa.
Qindra persona janë paraqitur në spital për të marrë ndihmën e shpejtë, ndërsa autoritet kanë bërë thirrje për sa më pak lëvizje në rrugë, në mënyrë që të mos pengohen ambulancat.
Në aksion pranë rrënojave në Durrës e Thumanë janë angazhuar efektivet xhenio, efektive të Forcave Speciale dhe të kërkim shpëtimit ndërsa në terren janë 1.900 forca policie nga efektivët xhenio të Forcave Speciale.
